Շրջակա միջավայրը ընդհանրացված հասկացություն է, բնութագրում է հատուկ ընտրված վայրում բնական պայմանները և տարածքի էկոլոգիական վիճակը: Շրջակա միջավայրն այն է, ինչ կա մեր շուրջը և ինչպես է այն ազդում մեր զարգացման վրա:
Ժամանակակից աշխարհում մարդու և բնության փոխազդեցությունը մեծ նշանակություն ունի: Չի կարելի թերագնահատել շրջակա միջավայրի դերը մեր կյանքում, քանի որ մարդիկ բնության մի մասն են:
Մեր օրերում մարդիկ հիմնականում բացասաբար են ազդում բնության վրա։ Մենք օգտագործում ենք բնական ռեսուրսները մեր կարիքների համար՝ երբեմն մոռանալով, որ դրանց մեծ մասը վերականգնվող չէ։ Բուսական և կենդանական հազարավոր տեսակներ անհետացել են կամ գտնվում են անհետացման վտանգի տակ: Անտառահատումների և գետերի ու ճահիճների ջրահեռացման պատճառով մեծանում է գլոբալ տաքացման վտանգը։ Իսկ կենցաղային ու արդյունաբերական թափոնները աղտոտում են օդն ու ջուրը։
Բարեբախտաբար, աշխարհի ավելի զարգացած երկրներում տեխնոլոգիաներ են մշակվում և ներդրվում շրջակա միջավայրի վիճակը բարելավելու համար։ Բայց դրանք պահանջում են նյութական մեծ ռեսուրսներ, որոնք հասանելի չեն բոլորին։
Մարդիկ պետք է հասկանան, որ շրջակա միջավայրի հետ կապված խնդիրները կարող են հանգեցնել աղետի։ Մենք ինքներս ենք վնասում մեր միջավայրը և հետո ինքներս էլ տուժում դրանից։ Մարդը միակ կենդանին է այս երկրի վրա, ով ակտիվ դեր է խաղում շրջակա միջավայրի ոչնչացման գործում: Մեզանից յուրաքանչյուրը կարող է նպաստել դրա բարելավմանը։
Բնությունը շատ ռեսուրսների անփոխարինելի աղբյուր է, որն անհրաժեշտ է մարդկանց և ամբողջ հասարակության բնականոն գործունեության համար: Ուստի մենք պետք է մտածենք, թե ինչպես օգտագործել այդ ռեսուրսները կայուն կերպով և ինչպես կանխել շրջակա միջավայրի հետագա աղտոտումը:
Իրինա Գյուրջինյան 