Իրանի Իսլամական Հանրապետության հետ հարաբերությունները Հայաստանի համար ռազմավարական նշանակություն ունեն։ Թուրքիայի ու Ադրբեջանի հետ ունեցած փակ սահմանները՝ Հայաստանի համար Իրանը կարեւորագույն դերակատար է թե՛ քաղաքական, թե՛ տնտեսական առումով։
Հայաստանից Իրան մատակարարվող հիմնական ապրանքատեսակը էլեկտրաէներգիան է։ Էլեկտրաէներգիայից բացի, Հայաստանից Իրան են արտահանվում մանր եղջերավոր կենդանիներ, թուղթ, մետաղի ջարդոն, մեխանիկական սարքավորումներ, բժշկության մեջ կիրառվող սարքավորումներ, սուրճ, հանքային ջուր եւ այլն: Իրանից ներմուծվում է բնական գազ, բիտում, նավթ, նավթամթերք, տնտեսական ապրանքեր, պարարտանյութեր, ապակի, միրգ, բանջարեղեն եւ այլն:
Զբոսաշրջության առումով Իրանը նույնպես մեծ դեր ունի Հայաստանի տնտեսությունում։ 2016թ. Իրանից ժամանած զբոսաշրջիկների մասնաբաժինը ընդհանուր զբոսաշրջիկների թվում կազմում է 17%: Իրանցիները, մասնավորապես, Հայաստան են գալիս տոնելու իրանական նոր տարին՝ Նովրուզ Բայրամը։ Տոնը սկսվում է մարտի 21-ից ու տեւում 13 oր։ Տարբեր հաշվարկներով՝ Նովրուզ Բայրամը տոնելու համար Հայաստան է ժամանում 20-25 հազար իրանցի՝ այստեղ անցկացնելով առնվազն 4 oր։